நண்பர் பாலாஜிக்கு(98-02 ECE) திருமண வாழ்த்துக்கள்..
அனைத்து வளங்களும் பெற்று பல்லாண்டு காலம் வாழ வாழ்த்துகிறோம்
அன்பே மூலம் அவையத்து வாழ்வார்க்கு அறம்
பண்பே பலம் அவையத்தார் அறத்துக் குரம்!
இன்பமெல்லாம் இணைந்தார்க்குத் தரும்
இல்லறமே இணையிலாதோர் வரம்.
ஈர் இதயம் ஈர்ந்துதயம் காதல் சேர்
உயிரும் சேர்ந்துரு குவோர் இல்வாழ்வதனில்
வேர்விடும் நாளிது
திருமணம் எனும் ஓரு தினமாம்
பெறுகவே அருள்!
கடலலை கரையினிற் கொண்டிடும் உரிமை
கண்டிடும் இயற்கையின் அழகுதன் அருமை
இலையோ டுரசுந் தென்றலின் மென்மை
மண்வான் உறவிலூறும் மேன்மை
வெண்பனி போலுளந் தூய்மை
எண்ணத்தி னிடை வாய்மை
தாழ்ந்திடிலு மொருமை
வேண்டிடும் பெருமை
யாவும் அடைவீர் நீவீர் என்றும் நலமுடனே வாழ்க!
இல்வாழ்வான் இதழ் மொழியில் மனையாள்
அவளிரு விழியில் ஒளியாய்த் துணைவன்
ஆனோர் ஏற்றிடும் நல்குடும்பத் தீபமது
ஈனோர் போற்றிட மங்காது சுடர்க
தேடுவது நன்று புகழும் நித்தம்
தேடுவீர் செல்வம் மொத்தம்
கூடிடும் வாழ்வின் அர்த்தம்
பாடிடு மழலைச் சத்தம்
இன்பங்களிதுவே இவையெல்லாம் வேறொன்று மிலவே
உயிரோடு உளமும் உம்முறவினால் ஒன்றாம்
அவரவர் உணர்வினை மதிப்பது நன்றாம்
ஆத்திரமவசரம் அறிவிலார் கொள்கை
சாத்திரம் சொல்லும் சரிவழி செல்க
அறிவிலாக் கனவுகள் சேரும்
ஆகாய முகில்களைப் போலே
ஆசைகள் அறுபது கோடி
அதில் தேவைப் படுவது பாதி
அதையறிந்திடல் நீவீர் நீதி
அறிந்தே நீரும் வாழி நீடு
வாழிய வாழிய மணமக்கள்
